Yaponiyanın İtoki və Koyoju Gohan KK şirkətləri Nap Box şaquli yuxu qutularını təqdim ediblər. Onlar ölkə işçilərinin həddindən artıq işləməsi problemini həll etmək üçün nəzərdə tutulub. Bu barədə Bloomberg istehsalçıların mətbuat xidmətinə istinadən xəbər verir.
Xroniki yorğunluq Yaponiyada ən çox rast gəlinən işçi problemidir. Artıq şirkətlər uşaq bağçasında olduğu kimi istirahət üçün çarpayıları olan xüsusi otaqlar təqdim edirlər. Elə hallar olur ki, işçilər hətta ofislərin vanna otağına girib orada yatırlar.
İki mebel şirkəti Itoki və Koyoju Gohan KK birləşərək yeni bir həll — dik çarpayılar təqdim etdilər. Yatan adamın istirahət etməsi və yıxılmaması üçün baş və dizləri dəstəkləyən xüsusi rəflər var.
Nap Box çarpayıları Yaponiyada işçilərə iş günü ərzində qısa fasilələrin verilməsinin vacibliyi barədə məlumat vermək üçün nəzərdə tutulub. Hələlik qutuların qiymətini şirkətlər özləri müəyyən etməyiblər. O da məlumdur ki, pərakəndə satışda belə mebel almaq mümkün olmayacaq. İstehsalçı iri ofis müəssisələri ilə onları Nap Box ilə təchiz etmək üçün müqavilələr bağlamağı planlaşdırır. Görəsən, flaminqo kimi belə qutularda yatmaq rahat olacaqmı?
