Nextbit telefon sahəsinə yeni qoşulan şirkətlərdən biridir. Normalda yeni şirkətlər aşağı qiymətlərlə yüksək funskiyalı telefonlar sataraq alıcıların diqqətini çəkməyə çalışırlar. Nextbit bu ənənəni dəyişdirəcək bir telefonla bazara daxil olub.
Nextbit’in ilk telefonu olan Robin, yaddaş həcmi doldurula bilməyən ilk və tək telefondur. Robin normalda standard olaraq 32 GB yaddaşa sahib olsa da Nextbit’in sistemi sayəsində, telefonun dolu yaddaşı müəyyən bir həddə çatdıqda video, şəkil ve sənədləri avtomatik olaraq telefonun sahib olduğu bulud servisinə yükləyir. Beləliklə sizə əziyyət vermədən telefonun yaddaşının dolmağının, telefonun yavaş işləməsinin və sizin üçün vacib olan faylların silinməsinin qarşısını alır.
Hal-hazırda demək olar ki, bütün markalar və telefonlar bulud sisteminə malikdir, amma Robin’in bu özəlliyi ona «Yaddaşı dolmayan telefon» deyə bilməyimizə şərait yaradır. Robin, bu özəlliyi ilə yanaşı 5.2 düym 1080p ekrana, Qualcomm Snapdragon 808 prosessora, 3 GB RAMa, 2680mAh batareyaya və 13 megapixel arxa kameraya sahibdir. Əlavə olaraq Robin’in «Yaddaşı dolmayan telefon» adlandırmağımıza şərait yaradan bulud sistemi, 100 GB yaddaş həcminə sahibdir.
Robin’in ön sifariş vasitəsilə satışı bugün başlayıb. Ön sifarişin ilk bölümündə telefonu alanlar 300$, digər bölümdə alanlar isə 350$ ödəməklə telefona sahib ola biləcəklər. Telefonun normal satış qiymətinin 400$ olacağı bildirilib, yəni almağı düşünənlər ön sifarişin ilk bölümündə telefonu aldıqda 25% endirimdən faydalana biləcəklər.
