«Xiaomi» şirkətinin yeniliyi süni intellekt sistemi ilə təchiz edilib.»Xiaoxun AI Educational Story-telling Toy» adlı qurğu 1 yaşdan 3 yaşadək uşaqlar üçün nəzərdə tutulub. Korpus qalın və çox möhkəm qida silikonundan hazırlandığından allergik reaksiyaya səbəb olmur.
«ICTinfo.az» «ixbt.com» resursuna istinadən bildirir ki,oyuncağın üz hissəsi işıq dioduyla təchiz edilib və buna görə gecə vaxtı otağı işıqlandıra bilər. Həmçinin qurğu mikrofon , dinamik, USB konnektoru, yaddaş kartları və bir neçə düymə üçün slotla tchiz edilib.
Oyuncağa ingilis dili dərsləri , Çin və ingiliscə nağıllar, müxtəlif hekayələr və mahnılar yüklənmişdir. Yaddaş kartlarının köməyi ilə valideynlər öz uşaqları üçün müxtəlif maraqlı məzmunlu əlavələr yükləyə bilərlər.
Süni intellektin sistemi komandaları tanımağa və verilmiş suallara cavabları axtarmağa kömək edir. Qurğuya yönləndirilən smartfonun köməyi ilə valideynlər istənilən anda uşaqların nəyə qulaq asırlarını öyrənə bilərlər.1800 mAs həcmlə akkumulyator təxminən 8 saat fasiləsiz işə çatır.
Qurğunun qiyməti 50 dollardır.
