Çinin Xiaomi şirkəti 120 Hz tezliyə malik 2,8K AMOLED displeyli Pad Pro 6 flaqman planşetini buraxacaq. Bu barədə Weibo sosial şəbəkəsində tanınmış Digital Chat Station informantı məlumat verib.İlkin məlumata görə, Xiaomi Pad Pro 6 nazik çərçivəli 2880×1880 piksel təsvir ölçülü 12,4 düymlük ekranla təchiz ediləcək. Qurğu Snapdragon 8+ Gen 1 prosessoru əsasında işləyəcək.Adətən qabaqcıl smartfonlar belə bir çipli sistemlərlə təchiz edilir. Prosessor 3,2 QHs-ə qədər tezliyə malik yüksək məhsuldarlıqlı Cortex-X2 nüvəsi və inteqrasiya olunmuş Adreno 730 qrafikası əldə edib ki, bu da Adreno 660-dan 30% üstündür.Flaqman planşetinin rəsmi təqdimatı gələn ilin yazında baş tutmalıdır. Xiaomi artıq oxşar cihazları buraxdı. Çin istehsalçısının model diapazonunda 12,4 düymlük ekrana malik planşet var. Qurğu 1600×2560 piksel təsvir ölçülü IPS-ekranla təchiz edilib. Snapdragon 870 prosessorlu bu planşet eksklüziv olaraq Çin bazarına gətirilib.
