Çin şirkəti kraudfanding saytında layihəyə start verib.
“Xiaomi”-nin əsas məqsədi ağıllı qapının daha da inkişafı üçün vəsait toplamaqdır. Hal-hazırda, artıq prototipləri və adı var – “Xiaobai Blade Star”. Ön qapı 3D üz tanıma texnologiyasından istifadə edərək sahibini müəyyən edir. Cihazı açmaq üçün əlavə üsullar barmaq izi oxuyucusu, parol və ya NFC-dir. O, həmçinin iki displeyə malikdir: xarici 5 düym və daxili 10,1 düym.
Bütün sistem səkkiznüvəli “MediaTek Kompanio 500” prosessoruna əsaslanır.İstehsalçı əmin edir ki, ağıllı qapı 1 metrə qədər məsafədə olan üzü oxumaq üçün bir saniyədən az vaxt aparır. Cihazın yaddaşında eyni vaxtda 255-ə qədər “üz” saxlanıla bilər və tanınma zamanı xəta ehtimalı çox azdır.
“Möcüzə qapısı”na iki kamera quraşdırılıb – gecə görmə rejimi və adi kamera. Tam hüquqlu videozəng və qapı vasitəsilə ünsiyyət üçün cihaz mikrofonla təchiz olunub. Quraşdırılmış PIR (passiv infraqırmızı hərəkət sensoru) qadcetin işləməsinə kömək edir.
Cihaz Xiaomi ağıllı ev ekosisteminə inteqrasiyaya malikdir. Proqramı quraşdırarkən ön qapını smartfonla sinxronlaşdırmaq mümkündür. Əgər qəfildən təsadüfən qapını açıq qoysanız və ya siz uzaqda olduğunuz müddətdə kimsə gələrsə, sizə bildiriş gələcək.
“Ağıllı” qapı bir neçə ölçüdə və iki rəngdə mövcuddur: boz və qəhvəyi.Satışa 2022-ci ilin iyununda başlanılacaq.
