İndiyədək «Xiaomi» blokdan çıxarmanın ən müxtəlif üsullarını- PIN-kod, barmaq izi, smartfonda və ya smart-saatda NFC-modul və s.dəstəkləyən bir çox «ağıllı» qapı qıfılı təqdim edilmişdir.»ICTinfo.az» «4pda.ru» resursuna istinadən bildirir ki,bu dəfə «Xiaomi» indiyədək olanlardan daha fərqli olan «Smart Door Lock Pro» təqdim edəcək.Məlumata görə, bu əvvəlkilərdən daha zəngin funksiyalara malik olan qapı qıfılı olacaq.Burada daha çox iki kameranın mövcudluğu maraq kəsb edir.Qurğu ev sahibini onun sifətinə görə tanıyıb qapının açılmasına icazə verəcək.
İstehsalçıların fikirinə əsasən sadəcə kameraya baxıb hər hansı əlavə manipulyasiyalarsız mənzilə və ya evə daxil olmaq mümkün olacaq.Qurğunun qapı ilə birlikdə və ya ayrıca satılacağı məlum deyil.Həmçinin hələlik belə sistemin təhlükəsizliyik dərəcəsi haqqında informasiyalar yoxdur. Məsələn onun ev sahibinin fotoşəkili ilə aldatmaq mümkün ola bilərmi?
