“Xiaomi” şirkəti “Qin 2” smartfonun təqdim edib.Sadə quruluşa malik olan smartfon “Android” sisteminin sadə versiyası ilə təchiz edilib. “ICTinfo.az» “hi-tech.mail.ru” resursuna istinadən bildirir ki,5 düymlük ekran 1440×576 piksel təsvir ölçüsünə və qeyri-standart tərəflər nisbətinə malikdir. “Xiaomi Qin 2” smartfonu “Spreadtrum SC9832E” prosessoru, 1 QB-lıq əməli yaddaş və 32 QB-lıq daxili yaddaşla təchiz edilib. Akkumulyatorun tutumu 2100 milliamper/saatdır. “USB Type-C” və infraqırmızı portları əlçatandır. Qulaqlığı “Bluetooth” vasitəsilə qoşmaq lazımdır. Smartfonun qiyməti 73 dollardır. “Qin 2” aparatında daha bir qeyri-adi həll ön kameradan imtina edilməsidir. Yalnız korpusun arxa tərəfindəki 5 meqapiksellik əsas sensorun köməyi ilə şəkil çəkmək mümkündür.
