Bu ilin sonunadək smartfonlar bazarında təxminən 214 dollar məbləğində “5G” şəbəkələrini dəstəkləyən qurğular əlçatan olacaq.Bu haqda “Vivo” şirkətinin vitse-prezidenti Lyu Hon deyib.“ICTinfo.az” “dailycomm.ru” saytına istinadən yazır ki,hələ ki “Xiaomi Redmi K30” smartfonu ən ucuz “5G” model olaraq qalır. Çində sözügedən smartfonun qiyməti 285 dollardır.
2020-ci ildə “Vivo” şirkəti “Z6”, “iQOO 3” və “Nex 3S” “5G” smartfonlarını təqdim edib.
Ötən il təxminən 19 milyon “5G” smartfonu satılıb.“HIS” analitikləri bu bazarı 13,5 milyon səviyyəsində qiymətləndiriblər və 2020-ci ildə 253 milyonadək artım gözləyirlər.
2019-cu ilin nəticəsinə görə, ən böyük “5G” smartfonları istehsalçılarının üçlüyündə 2 milyon qurğu tədarük etmiş “Vivo” şirkəti qərarlaşıb.
“Samsung” şirkəti “5G” texnologiyasını dəstəkləyən aşağıdakı smartfonları təklif edir: “Galaxy S10 5G”, “Galaxy Note 10 5G”, “Galaxy Note 10 5G”, “Galaxy Fold 5G” və “Galaxy A90 5G”. Bu aparatların qiyməti 700-2300 dollar aralığında dəyişir.
