Çinin “Xiaomi” şirkəti tezliklə smartfonlar üçün ödəniş xidmətini istifadəyə verəcək.“vladtime.ru” saytının yaydığı məlumata görə, bununla da şirkət Çində bu sahədə xidmət göstərəcək ilk qurum olacaq.
“Xiaomi” Çinin rəqəmsal bazarında inamla yer tutmağa davam edir. Bunun üçün korporasiyada “MI Pay” adlanan ödəniş sistemi tərtib edilib və bu sistem istifadəçilərə müxtəlif növ xidmətlərin ödənişində xeyli vaxta qənaət etməyə imkan verəcək. Bu proqram əlavəsi nəinki Çinin əsas bank kartları assosiasiyası olan “China UnionPay” ilə, həmçinin ölkənin onlarla digər maliyyə-kredit müəssisələri ilə əlaqəli çalışır. Kartı smartfonla sinxronlaşdırdıqdan sonra istifadəçinin bir neçə saniyə ərzində öz cihazını ödəniş terminalına yaxınlaşdırması kifayətdir. Bu, xeyli vaxta qənaət etməyə imkan verəcək, çünki telefonlar daha əlçatandır, nəinki plastik kartlar.
Qeyd edək ki, buna bənzər xidmətlər “Apple” və “Samsung” şirkətləri tərəfindən tətbiq olunub. Lakin Çində “Xiaomi” smartfon istehsalı ilə yanaşı, bu sistemi tətbiq edəcək ilk korporasiya olacaq.
