“Xiaomi” şirkəti sentyabrın 5-də rəsmən Hindistanda yeni smartfonlar təqdim edəcəyini bəyan etdi.Telefon həvəskarlarının “nazı” ilə oynayan istehsalçı onların rəğbətin qazanmaq üçün flaqman qurğuların ikiqat kamera alacağnı xüsusi qeyd edib. Məlumatlara görə, “Xiaomi” “Mi5X”-in xüsusi versiyası olacaq “MiA1” smartfonunu təqdim edəcək. 
“Ictinfo.az” “4pda.ru”-ya istinadən bildirir ki,yeniliyin əsas fərqi ondadır ki,qurğu şirkətin “MIUI” yerinə, təmiz “Android” versiyalı ilk smartfonu olacaq. Yeni “Xiaomi MiA1”-nın bəzi texniki xarakteristikaları haqqında da məlumatlar var.
Qurğu “Android 7.1.2 Nougat”-la işləyəcək və onda 4 QB əməli yaddaş səkkiznüvəli “Snapdragon 625” prosessoru qurulacaq.
Bildirilir ki, “Xiaomi MiA1” təmiz “Android” versiyasıyla “Google” şirkəti tərəfindən ucuz smartfonların buraxılışı üçün yaradılmış “Android One” proqramı çərçivəsində müntəzəm sürətli yeniləmələri alacaq.
