Bu gün Çində Xiaomi şirkət «Mi 8» və «Mi 8 SE» smartfonlarını, həmçinin «Mi Band 3» «ağıllı» qolbağı və «MIUI 10″ interfeysini təqdim etdi .»Mi 8» AMOLED-panellə və «Snapdragon 845» çipiylə təchiz edilib.
«ICTinfo.az» «hi-tech.mail.ru» resursuna istinadən bildirir ki,bütün modellər tam ölçülü displey və arxa paneldə ikiqat kameraya malikdir. Əsas model 2248×1080 piksel təsvir ölçülü 6,21 düymlük AMOLED displey, 6/8 QB-lıq əməli yaddaş, “Snapdragon 845” qabaqcıl prosessoru və 64/128/256 QB-lıq daxili yaddaşla təchiz edilib. Aparat daktiloskopik və biometrik sensorlara malikdir. Smartfona quraşdırılmış ikiqat kamera 12 meqapiksellik təsvir ölçüsünə malik iki sensordan ibarətdir.
Aparat 3500 milliamper/saat tutumlu “Quick Charge 4.0+” simsiz və sürətli enerjidoldurma texnologiyasına malik akkumulyatorla təchiz edilib. “Android 8.1 Oreo” mobil əməliyyat sisteminin idarəetməsi altında işləyən smartfonun platformasını “Android P”-yə yeniləmək mümkün olacaq.
Büdcə versiyası olan “Mi8 SE” modifikasiyası 2244×1080 piksel təsvir ölçülü 5,88 düymlük AMOLED displey, “Snapdragon 710” prosessoru, 4/6 QB-lıq əməli yaddaş, 64 QB-lıq daxili yaddaşla təchiz edilib. İkiqat kameranın təsvir ölçüsü 12+5 meqapiksel, akkumulyator batareyasının tutumu 3120 milliamper/saat təşkil edir və “Quick Charge 4.0+” sürətli enerjidoldurma texnologiyasına malikdir.
«Səkkizlik» 6 QB + 64 QB konfiqurasiya üçün 2999 yuana(təxminən 29 min rubl, daha əvvəl 27 minə idi) 8 QB +128 QB ilə versiya 3199 yuana qiymətləndirilir (təxminən 31 min rubl). «Mi 8″ 5 iyundan,»SE» variantı isə 8 iyun 2018-ci il tarixdən satışa çıxacaq .
“Xiaomi Mi Band 3” fitnes bilərziyi sensor OLED ekranla təchiz edilib və görünüşcə əvvəlki nəsil elektron qurğusunu xatırladır. Həmçinin cihaza ürək ritminin skaneri quraşdırılıb. “Xiaomi Mi Band 3” bilərziyinin qayışı çıxarılıb taxılandır.
Fitnes bilərzik damcı formasında hazırlanıb. Displey bilərziyin üstündən 2 mm yuxarıda yerləşdirilib. İstehsalçılar bu üsulla displeyi mümkün zədələnmədən qorumaq niyyətindədir.
