Xiaomi yazı qələmi şəklində cib tərcüməçisi Mijia Dictionary Pen C1 qurğusun istifadəyə verib.Geniş lüğətə malik qurğu mətnin sürətli tanınmasını təmin edir, səs daxiletməsini dəstəkləyir və bir batareyanın doldurulması ilə qələmdən artıq funsiyası ilə tanınacaq.
Mijia Dictionary Pen C1 mikroproqramına 26 milyon lüğət girişi daxildir və 32 GB yaddaş sayəsində cihazın məlumat bazası genişləndirilə bilər. İstehsalçının fikrincə, özəl mətnin tanınması texnologiyası yüksək əməliyyat sürətini dəstəkləyir: orta hesabla qadcetə bir sözü tanımaq üçün cəmi 0,3 saniyə vaxt lazımdır.
Yeni məhsul həm bulud bazasına qoşulmaqla, həm də oflayn rejimdə işləyə bilər. Modelin digər xüsusiyyətləri arasında brend səsli axtarış funksiyasını və süni intellekt alqoritmlərinə əsaslanan proqram təminatını vurğulayır ki, bu da konkret söz, onun cümlələrdə istifadə halları və qrammatik izahatlar haqqında ətraflı məlumat verir.
Bundan əlavə, istifadəçi hazırkı bilik səviyyəsini seçməklə Mijia Dictionary Pen C1-ni öz imkanlarına uyğunlaşdıra bilər ki, bu da daha yaxşı öyrənmə prosesinə töhfə verəcək. Xüsusi proqram fəaliyyət statistikası yaradır ki, valideynlər övladlarının irəliləyişini izləyə bilsinlər.
Gözləmə rejimində cihazın göstərilən batareyanın ömrü 100 günə qədərdir. Çində yeni məhsulun qiyməti 48 dollardır.
