«Xiaomi» «Apple»-ın yolunu gedərək smartfonların sertifikatsız xidmət mərkəzində təmir ediləcəyi təqdirdə onların işini məhdudlaşdıraracaq.Burada hələlik söhbət batareyanı dəyişdirməkdən gedir.»ICTinfo.az» «4Pda.ru» resursuna istinadən bildirir ki,yenilənmiş «Mi Security» tətbiqində (versiya 5.6) smartfonun batareyasına qulluq etmək və düzgün doldurmaq üçün məsləhətlər var.Bununla birlikdə, təsdiqlənmiş bir xidmətdən başqa cihazda kənar ustalar tərəfdən quraşdırılmış batareya tapılarsa, istifadəçi qurğu və özü üçün potensial risklər barədə müvafiq xəbərdarlıq alacaq. 
«Bu cihazda yalnız səlahiyyətli bir xidmət təminatçısı tərəfindən dəyişdirilə bilən daxili batareya var. Batareyanın başqa yerə dəyişdirilməsi cihazı zədələyə bilər. İcazəsiz batareyaların istifadəsi şişkinliyə, həddindən artıq istiləşməyə və sızmaya səbəb ola bilər. Bu da yanğına və ya digər təhlükəli vəziyyətlərə səbəb ola bilər «deyə xəbərdarlıqda deyilir.
Bildirilir ki, icazəsiz batareya aşkar edilərsə, sistem sarj sürətini məhdudlaşdıra bilər. Bütün bunların hələ də yalnız Mi9, Mi10 və Mi10 Pro modelləri üçün və yalnız Çində aktual olması vacibdir. Digər qurğular və bölgələrə gəldikdə, bu cür məhdudiyyətlər hələ tapılmamışdır.
