İnternetdə «Xiaomi 12S Pro»-nun yeni tanıtım şəkilləri peyda oldu.Onlar qabaqcılın əsas kamerasına həsr olunub,həmçinin rəsmi tədbiri gözləmədən onun dizaynının bəzi elementlərini qiymətləndirməyə imkan verir.
Müvafiq loqo ilə qeyd olunan Leica brendi ilə aşkar əməkdaşlıqdan əlavə, smartfonun kamerası ilə bağlı digər detallar da məlum olub. Arxa moduldakı əsas sensorda asferik lensli ultra geniş bucaqlı obyektiv, 14-50 mm ekvivalent fokus uzunluğu və dəyişən diafraqma (f/1.19-f/2.4) olacaq. 
Şəkillərdə smartfonun ucları yuvarlaqlaşdırılmış korpusu da qismən əks olunub. Metal çərçivədəki işarələrə əsasən, yeniliyin quraşdırılmış dinamik sistemi Harman Kardon sertifikatını alıb. Qadcetin texniki xüsusiyyətləri hələ rəsmi olaraq açıqlanmayıb, lakin onun modifikasiyadan asılı olaraq Snapdragon 8+ Gen 1 və ya Dimensity 9000 Plus prosessoru alacağı gözlənilir.
«Xiaomi 12S» smartfonlar ailəsinin premyerası 4 iyul 2022-ci ildə keçiriləcək.
