Çinin qabaqcı smartfon istehsalçısı “Xiaomi” şirkəti gələn ay yeni smartfonlarını təqdim etməyə hazırlaşır.
“Ictinfo.az”“newsru.ru”-ya istinadən bildirir ki, “Xiaomi Mi 6” və “Xiaomi Mi 6 Plus” adlandırılacaq qurğuların texniki xüsusiyyətləri haqqında məlumat dərc edilib.
“Xiaomi Mi 6” smartfonu 1920*1080 piksel 5,15 düym ekran, müasir “Qualcomm Snapdragon 835” prosessoru, 4,6 giqabayt operativ və 32, 64 və ya 128 giqabayt əlavə yaddaş tutumu ilə təchiz ediləcək. Smartfonun kamerası19, ön kamerası 8 meqapiksel olacaq ki, bu da istifadəçiləri qane edəcək. Samrtfonun batareyasının tutumu isə 3200 mAs bərabər olacaq.
İlk baxışdan “Plus” əlavəsinə görə, birincidən kəskin fəqlənəcəyi söylənilən “Xiaomi Mi 6 Plus” smartfon modeli isə deyilənlərin əksi olaraq o qədər də fəqrlə birincini üstələmir. Belə ki, smartfonun analoji təsvir ölçülü 5,7 düym ekran, eyni prosessor, 6 operativ, 64 və ya 128 giqabayt əlavə yaddaş tutumuna malik olacaq. Smartfonun əsas kamerası 12, ön kamerası 8 meqapiksel olacaq. Bundan əlavə, qurğu 4500 mAs tutum batareyası ilə fəqlənəcək.
“Xiaomi Mi 6” smartfonu “Android 6.0 Marshmallow”, “Xiaomi Mi 6 Plus” isə “Android 7.0 Nougat” sistemi ilə təchiz ediləcək.
