Artıq X(Twitter) sosial şəbəkəsində audio və video zənglər edə bilərsiniz.Bu barədə sosial şəbəkənin sahibi İlon Mask platformadakı hesabında məlumat verib.
Audio və video zənglərə icazə vermək üçün parametrlərdə bu funksiyanı aktiv etməlisiniz. Orada kimdən zəng qəbul edə biləcəyinizi də təyin edə bilərsiniz — bütün istifadəçilərdən, abunəçilərdən və ya yalnız kontaktınızdakılardan. Zəngə başlamaq üçün istifadəçi ilə söhbət açmalı, proqramın yuxarı sağ küncündəki zəng işarəsini vurmalı və sonra audio və ya video zəngi seçməlisiniz.
İlon Maskın sözlərinə görə, bu funksiyanın ilkin versiyasıdır. Əvvəllər o, dəfələrlə bildirmişdi ki, xidmətdə audio və video zənglər görünəcək və yeni funksiyadan istifadə etmək üçün telefon nömrəsini əlaqələndirmək lazım olmayacaq. Şirkət yeni funksiyanı 2023-cü ilin iyul ayından sınaqdan keçirir.
Bundan əvvəl X sosial şəbəkəsində etiketlənməmiş yeni tipli maskalanmış klik-beyt reklamı peyda olub. Platforma həmçinin xəbər məqalələrinə keçidlər olan yazıların dərc edilməsinin yeni üsulunu sınaqdan keçirir: indi onların başlıqları olmayacaq, yalnız tıklana bilən şəkil və qısa təsvir qalacaq.
