“MediaTek” IEEE 802.11be kimi tanınan yeni “Wi-Fi 7” simsiz məlumat ötürmə standartı üzərində işlədiyin rəsmi olaraq elan edən ilk şirkətlərdən biri oldu.
“MediaTek” əsas müştərilər və sənaye nümayəndələri üçün “Wi-Fi 7” texnologiyasının nümayiş etdirəcəyi vaxt da açıqladı. Şirkətin açıqlamasında heç bir texniki detal verilməyib.Sadəcə bildirilib ki,ilk “Wi-Fi 7”-ni aktivləşdirən məhsullar 2023-cü ildə bazara çıxacaq.
“MediaTek” nümayəndələri iddia edirlər ki, “Wi-Fi 7”-nin gəlişi ilə simsiz şəbəkələr nəhayət ultra yüksək ötürmə qabiliyyətinə görə simli / Ethernet bağlantısına tam hüquqlu alternativ ola biləcəklər. Yeni texnologiya virtual və əlavə reallıq proqramları, bulud oyunları və 8K üçün əsas olacaq.
Şirkət qeyd edir ki, əvvəlki nəsil standartları ilə müqayisədə “Wi-Fi 7”-də əsas təkmilləşdirmələr kanal eninin artırılması, kvadratura modulyasiyası (QAM), çoxkanallı sinxronizasiya (MLO) və digərləri olacaq. Bundan əlavə, təxmin edilən maksimum məlumat ötürmə sürəti 30 Gb/s təşkil edəcək ki,bu da “Wi-Fi 6”-dan üç dəfə sürətli deməkdir.
