“WhatsApp” tərtibatçıları proqramda bir sıra dəyişikliklər üzərində işləyirlər. Messencerin yeni alətləri və dəyişdirilmiş dizaynı «Android» cihazları, həmçinin «Windows» və «macOS» əməliyyat sistemləri ilə işləyən kompüterlər üçün sınaq konstruksiyalarında görülüb.
Yenilənmədən sonra «WhatsApp»-ın şəkillərə və videolara yazılar əlavə etmək üçün müxtəlif qalınlıqda virtual karandaşların genişləndirilmiş dəstini, eləcə də təsviri tutqunlaşdırmaq üçün alət alacağı gözlənilir. Bu funksiyalar artıq «Android» platforması üçün WhatsApp 2.22.3.5 beta kodunda mövcuddur, lakin proqram parametrlərində defolt olaraq qeyri-aktivdir.
«Windows» və «macOS» üçün messencerin stolüstü versiyasında (test quruluşu 2.2201.2.0) tünd interfeys üçün rəng sxemi yenilənib və mətni olan qabarcıqların yaşıl fonu mövcud ilə müqayisədə daha dolğunlaşıb. Bundan əlavə, digər interfeys elementlərinin rəngində dəyişikliklər edildi.
WABetaInfo portalının insayderləri də iddia edirlər ki, “WhatsApp” tərtibatçıları proqrama başqa funksiyalar da daxil etmək niyyətindədirlər. Onların arasında daxil olan mesajların səslərini fərdiləşdirmək imkanı və istifadəçinin mesajlarına digər insanların reaksiyalarını göstərən yeni bildiriş tabını qeyd etmək olar. Bu dəyişikliklərlə messencerin stabil versiyalarının buraxılış tarixləri hələlik məlum deyil.
