“WhatsApp” messencerində istifadəçiləri spamerlər və fırıldaqçılardan gələn zənglərdən qorumaq üçün yeni funksiyanı sınaqdan keçirir.Aktivləşdirildikdə, istifadəçilər naməlum zəng edənlərdən gələn zəngləri eşitməyəcək, lakin buraxılmış zərərli zənglər haqqında məlumat zəng tarixçəsində görünəcək. Zəng edən şəxs blok bildirişi almayacaq və uzun səs siqnalları eşidəcək. Hazırda funksiya yalnız Android əməliyyat sistemində olan smartfonlar üçün sınaqdan keçirilir.
Bundan əvvəl “Washington Post” ABŞ-da süni intellektdən istifadə edərək istifadəçilərin yaxınlarının səsini saxtalaşdıran fırıldaqçılardan gələn zənglərin sayının artdığını bildirmişdi. “WhatsApp” həmçinin Avropa Komissiyasının istifadəçiləri xidmətdən istifadə qaydaları haqqında məlumatlandırmaq üçün daha əlçatan və şəffaf üsul tələbləri ilə razılaşıb.
