«Volvo» mühəndisləri avtomobilin qabaq şüşəsində təsvirlərin nümayiş etdirilməsi üçün orijinal texnologiya hazırlamaq üçün İsrailin «Spectralics» şirkəti ilə əməkdaşlığa başlayıb.»ICTinfo.az» «4Pda.ru» resursuna istinadən bildiri ki,bu həllin özəlliyi maşının bu elementini tam hüquqlu AR displeyinə çevirmək imkanındadır.
Yeni nəsil ön şüşələrin istehsalında şirkət xüsusi çoxqatlı plyonkadan istifadə etmək niyyətindədir. Onun köməyi ilə proyektordan istifadə etmədən interaktiv AR elementlərini birbaşa şüşənin üzərinə qoymaq mümkün olacaq. Yeni texnologiyanın məqsədi sürücünü avtomobil idarə edərkən potensial təhlükələr haqqında məlumatla təmin etmək və naviqasiya sistemlərinin səmərəliliyini artırmaqdır.
Bundan əlavə, displey avtomobildən müxtəlif obyektlərə qədər real məsafəni göstərə bilər. «Spectralics»-in texnologiyası yeni tətbiq edilir, lakin mühəndislərin fikrincə, gələcəkdə yenilik nəqliyyat dünyasında inqilab edə biləcək. Texnologiya uğurla inkişaf edərsə, «Volvo» onu öz avtomobil seriyasında tətbiq etməyi planlaşdırır.
