ABŞ-ın Florida Universitetinin alimləri müəyyən ediblər ki, insanlar tərəfindən virtual reallıq eynəklərinin istifadəsi reaksiyanın xeyli azalmasına gətirib çıxarır.“runews24.ru” saytının məlumatına görə, tədqiqatçılar bildirib ki, onlar təcrübə keçirmək üçün 360 könüllünü cəlb ediblər.Onlardan masaüstü kompüterdə müəyyən məlumatı tapıb yadda saxlamaq xahiş ediblər. Könüllülərin bir hissəsi adi monitorlardan, digər hissəsi isə virtual reallıq eynəklərindən istifadə edib.
Nəticədə alimlər isbat edə biliblər ki, VR cihazlar ciddi şəkildə diqqəti azaldır. Onlarda yaranan görüntü ancaq beyni yayındırır və ona adi rejimdə tam işləməyə imkan vermir.
Tibb mütəxəssisləri isə hesab edirlər ki, virtual reallıq eynəklərindən istifadə ilk növbədə sürücülər üçün olduqca təhlükəlidir.
