«Huawei» şirkəti «Huawei Watch 4» xəttinin Çin versiyasını satmağa başlayıb.Qlobal «Huawei Watch 4» və «Watch 4 Pro» modellərindən fərqli olaraq, Çin modelləri unikal qeyri-invaziv qlükometr funksiyası əldə edib.İstehsalçının sözlərinə görə, Huawei Watch 4 və Watch 4 Pro-nun Çin versiyası qan şəkərinin qeyri-invaziv monitorinqi funksiyasına malik dünyada ilk ağıllı saatdır.
Çinli istifadəçilər saatları aşağıdakı qiymətlərlə ala bilərlər (qiymət dizayndan, korpusun materialından və qolbaqdan asılıdır):
Huawei Watch 4 Venus White (Ağ Dəri Qayış) – 412 dollar
Huawei Watch 4 Moon Black (qara FKM qayışı) – 384 dollar
Huawei Watch 4 Saturn Brown (qəhvəyi dəri kəmər) – 412 dollar
Huawei Watch 4 Pro Jupiter Brown (tünd qəhvəyi dəri kəmər) – 484 dollar
Huawei Watch 4 Pro Mars Titanium (titan bilərzik) – 569 dollar
Huawei Watch 4 Pro Blue Earth (mavi kompozit kəmər) – 520 dollar
Qeyri-invaziv qlükometr alqoritmi ürək dərəcəsinin monitorinqi və EKQ-dən məlumatları toplayır. Qiymətləndirmə istifadəçidən saatı ardıcıl 7 gün taxmağı tələb edir.
Saat həmçinin arterial sərtlik, dərinin temperaturu, EKQ, qan oksigeni (SpO2), düşmə aşkarlanması və s. kimi sağlamlıq xüsusiyyətlərini təklif edir. Hər iki model 5ATM su mühafizəsi, GPS, eSIM və NFC dəstəyi, həmçinin rabitə üçün quraşdırılmış mikrofon və dinamik əldə edib.
Saat 1,5 düymlük LTPO AMOLED ekranla təchiz olunub. Huawei Watch 4-də 46 mm-lik paslanmayan polad korpus, Watch 4 Pro-da isə 48 mm-lik titan korpus var. Əsas versiya 14 günə qədər batareya ömrü təklif edir, Pro isə 21 günə qədər batareya ömrü təklif edir.
