«Twitter» mikrobloq xidməti “Məqalələr” adlı yeni funksiyanı sınaqdan keçirməyə başlayıb. Adından göründüyü kimi bu, platformanın istifadəçilərinə uzun mətnlər paylaşmağa imkan verəcək.
«ICTinfo.az» «3dnews.ru» resursuna istinadən bildirir ki,xidmət 2006-cı ildə ortaya çıxanda istifadəçilər 140 simvoldan çox olmayan mesajlar göndərə bilirdilər və bu,»Twitter»-in əlamətdar xüsusiyyəti idi. 2017-ci ildə platforma bu rəqəmi iki dəfə artıraraq 280 simvola çatdırdı. Ancaq bəziləri üçün bu da kifayət etmədi və onlar bir-biri ilə əlaqəli tvitlərdə və ya mətnlərin hətta ekran görüntülərini çəkib göndərməli olurdu.Xidmət “Twitter məqalələri” funksiyasını sınaqdan keçirməyə başlayıb və veb proqramda müvafiq nişan peyda olub. Yeni funksiyanın təfərrüatları hələ verilməyib, lakin söhbət uzun mətnlərin nəşrindən getdiyini güman etmək məntiqlidir. Şirkətin bu funksiyanı geniş istifadəçilər üçün əlçatan etmək planları barədə heç nə deyilmir.
Bəzi Amerika nəşrlərinin jurnalistləri narahatlığını ifadə ediblər ki, bu yeniliklə xidmət istifadəçiləri tətbiqdə daha çox vaxt keçirməyə məcbur etmək istəyir. «Twitter» sözçüsü, şirkətin «insanlara söhbətləri başlamağa və davam etdirməyə kömək etmək üçün həmişə yeni yollar axtardığını» cavablandırdı. Tezliklə əlavə məlumat paylaşacağına söz versə də, əlavə şərh verməkdən çəkindi.
