Elon Mask indi təkcə “TechnoKing” deyil, həm də “Twitter”-in rəhbəridir. Ən azından indi özünü belə adlandırır. Lakin o, sosial şəbəkə daxilində planlaşdırılan dəyişikliklərlə bağlı son qalmaqallı bəyanatından geri çəkilib.
Mask Twitter imzasını “Twit rəhbəri” olaraq dəyişdi və məkan olaraq “Twitter”-in baş ofisini seçdi.Bloomberg-in etibarlı mənbələrə istinadla verdiyi məlumata görə, İlon Mask Twitter əməkdaşlarına da bildirib ki, o, şirkətin baş ofisinin 75%-ni (təxminən 5600 nəfər) işdən çıxarmaq fikrində deyil, bu barədə ötən həftə məlumat yayılıb. Lakin Maskın özündən bu məsələ ilə bağlı heç bir rəsmi açıqlama verilməyib.
Bildirilir ki, “Twitter” sabah, oktyabrın 28-də rəsmi olaraq “Tesla” və “SpaceX” rəhbərinin mülkiyyətinə keçəcək. Sosial şəbəkənin alınması ona 44 milyard dollara başa gəlib. Maskın özünün də bu yaxınlarda etiraf etdiyi kimi, o, artıq ödəniş edib, lakin o, bu investisiyanın gələcəkdə öz bəhrəsini verəcəyinə əmindir.
