Yaponiyanın «Toyota» şirkətinin mühəndisləri süni intellektin idarəsi altında işləyərək insanları anlayan, onlarla ünsiyyət saxlamağı bacaran avtomobilin yeni prototipinin yaradılması üzərində işləyir. Maşın insanın davranışı,sürüş qaydası ilə yanaşı onun əhval-ruhiyyəsini nəzarətdə saxlayacaq. Alınmış məlumatlar əsasında avtomobil işə salınmaqdan proqramların söndürülməsinə qədər hər şeydə müstəqil qərarlar qəbul edəcək.
«Ictinfo.az» «hi-news.ru»-ya istinadən bildirir ki,»Toyota» avtomobillərin yeni prototiplərini artıq oktyabrın sonunda təqdim etməyə hazırlaşır. İstehsalçıların sözlərinə görə, şirkət üç maşın göstərməyi planlaşdırır: bir yerlik şəhər mikroavtomobili, üç yerlik prototip və dördyerlik sedan.
Maşınların qapıları yuxarı açılacaq. Bundan başqa, ehtimal var ki, adət edilmiş idarəetmə elementləri xüsusi kontrollerlərlə əvəz edəcək və yeniliklərə səsli idarəetmə sistemini tətbiq edəcək.
Maşınlar tamamilə elektrik olacaq. Avtomobillərdən üç yerlik olanı bir yükdə 150 , dörd yerlik olan avtomobil 300 kilometrə qədər yol qət edə biləcək. Şirkətin planlarına əsasən yeniliklər 2020-ci ildə yollarda sərbəst hərəkət edəcək.
