Tokioda keçiriləcək 2020-ci il Olimpiya və Paraolimpiya oyunları zamanı idmançılara veriləcək qızıl,gümüş və bürünc medalların materilları tullantı smartfonların tərkibindəki əlvan metallardan hazırlanacaq.»ICTinfo.az» «4pda.ru» resursuna istinadən bildirir ki,Olimpiyadanın Təşkilat Komitəsi idmançılara təqdim ediləcək medalların istehsalı üçün elektron tullantılardan istifadə ediləcəyini rəsmən təsdiq edib.Artıq qısa zamannda təxminən 47 488 ton elektron tullantı qurğu toplanıb.
Bura təqribən 5 milyondan çox köhnə telefon daxildir.İstifadəçilər tullantı hesab etdikləri köhnə telefonlarını yerli «NTT DOCOMO» operatorunun mağazalarına təhvil veriblər. Bundan başqa, poçt şöbələrində və başqa ictimai müəssisələrdə köhnə texnikanın qəbulunun məntəqələri yaradılmışdır.
Ötən ilin iyununda 2700 kq emal edilmiş tunc alınıb.Təşkilatçılar ötən ilin oktyabr ayında isə lazımlı 30,3 kq qızılın 93,7%-nin, 4100 kq gümüşün 85,4%-nin toplandığı haqda hesabat verdilər. Komitə əmindir ki, proseslərin belə uğurla davam etməsi nəticəsində 31 marta kimi lazım olunan metal toplanacaq.
Yay Olimpiya oyunları 2020-ci ilin 24 iyulundan 9 avqust tarixədək Tokioda keçiriləcək.
