TikTokun necə populyar platforma olduğunu deməyə ehtiyac yoxdur. Azərbaycanda qocalı-cavanlı hər kəs bu populyar tətbiqdən istifadə edir. Bakıda plazada işləyən ofis işçilərindən tutmuş əyalətdə frfermada işləyən kəndliyə kimi çoxları bu popular xidmətdən istifadə edir. Statistikaya görə, hazırda 5.9 milyon adam hər ay TikToka daxil olur.
Bəs bu qədər məşhur olan servisdə reklam vermək üçün hansı yollar var?
Araşdırmamız üçün biz ölkədəki rəqəmsal marketinq mütəxəssislərinə üz tutduq. Məlum oldu ki, büdcəsindən, reklam etdiyi məhsuldan asılı olaraq TikTokda reklam vermək üçün 3 əsas yol var:
- Ökədə TikTokun əsas reklam partnyoru Aleph Group sayılır. Tək Azərbaycanda deyil, başqa ölkələrdə (o cümlədən, Qazxıstan, Latın Amerikası, Pakistan və s.) də TikTokun əsas distribyutoru olan Aleph əsasən böyük şirkətlər və agentliklərlə işləyir.
Şirkət haqqında ətraflı məlumat tapa bilməsək də, məlum oldu ki, yerli bazarda şirkətin rəsmi adı “Httpool Cyprus şirkətinin Azərbaycan Respublikasındakı filialı” gedir. Onlar daha çox B2B vasitəsilə iri müştərilərlə işləməyə can atır. Aylıq büdcəsi 5000 dollardan yuxarı olan müştərilərlə işləmək istəyən Aleph Groupu ölkənin ən böyük reklam agentlikləri, iri holdinqlər seçir. - Orta və kiçik bizneslər əsasən digər agentliklərlə işləməyi seçir. Ölkədə bu sahədə əsasən Evido, Advtech, Banner Group, Sharaf Media və s. kimi şirkətlərə üz tuturlar.
- Mikro-sahibkarlar və sadə reklam vermək istəyənlər elə birbaşa TikTok tətbiqində reklam verirlər. Amma nəzərə almaq lazımdır ki, bu zaman reklam vermək asan olsa da, peşəkar sayılmır.
Tətbiq üzərindən reklam yerləşdirmək üçün gərək kart vasitəsilə reklam ödənişi olunsun ki, bu zaman əlavə maliyyə itkiləri olur. Hədəfləmə (targeting) imkanları isə xeyli azdır. Yəni app daxilində reklam vermək üçün seçənəklər azdır, daha çox kiçik büdcə xərcləyib geniş kütləyə çıxmaq istəyənlərə sərf edir.
Daha peşəkar şəkildə reklam vermək üçün ayrıca TikTok Ads Manager istifadə olunmalıdır ki, bunun üçün də ya ölkədə rəsmi distribütora, ya da digər agentliklərə müraciət etmək lazımdır.
| Rəsmi distribyutor | Aleph Azərbaijan (Httpool) | Böyük şirkətlərə və agentliklərə birinci əldən xüsusi şərtlər |
| Böyük agentliklər | Evido
Banner group Mccann Azerbaijan Advtech SMM agentliklər |
Agentlik kimi müştəriyə xidmət göstərilir, onun müqabilində haqq alınır. |
| Birbaşa tətbiq daxlindən reklam | Kiçik müştərilər, fərdi sahibkarlar | Agentliyə pul ödənilmir, amma əvəzində Apple və Google-a ödəniş olur, texniki imkanlar məhduddur |
Söhbət etdiyimiz marketinq ekspertlərinin sözlərindən belə məlum oldu ki, hazırda TikTok bazara yeni daxil olduğuna görə çoxları bu platformanın gücünü tam kəşf edə bilməyib. Onlar hələ də İnstagramda reklam verməklə kifayətlənir. Lakin, TikTokun gələn illərdə böyük populyarlıq qazanacağı şübhəsizdir.
Müəllif: Aysel Soltanova
