Simsiz şarj çoxdan mobil sənayedə adi hala çevrilib, lakin hələ də elektrik avtomobillərinə çatmayıb. Bu tezliklə dəyişə bilər: Tesla nümayəndələrindən biri bu yaxınlarda avtomobillər üçün belə bir aksessuarın qarşıdan gələn buraxılışına işarə etdi.
Tesla-nın baş dizayneri Frans fon Holzhausen YouTube kanalı Jay Leno’s Garage-ə müsahibəsində şirkətin avtomobildə simsiz enerji doldurma üzərində işlədiyini təsdiqləyib. Onun sözlərinə görə, belə aksessuarın iş prinsipi smartfonlar üçün oxşar həllərdə istifadə olunan texnologiyalardan az fərqlənir. Stansiyalar Qi mobil enerji doldurma prinsipi ilə işləyəcək. Maqnit sahəsi qəbul edən bobində alternativ cərəyan yaradır və oradan batareyaya axır.
“Biz induktiv şarj üzərində işləyirik. Heç bir şey bağlamağa ehtiyacınız olmayacaq. Siz sadəcə qarajınızdakı bir yerə çəkilirsiniz və avtomobil şarj etməyə başlayır”- deyə dizayner bildirib.
Tesla bu texnologiyaya yönəlmiş Wiferion startapını aldıqdan sonra simsiz enerji doldurma üzərində işləməyə başladı. Bu ilin mart ayında Tesla ilk dəfə olaraq özünün “qaraj” şarj cihazının necə görünə biləcəyini göstərdi, lakin belə aksessuarın kommersiya versiyasının görünmə vaxtı və onun pərakəndə satış qiyməti hələ açıqlanmayıb.
