Moskvanın Taqansk Məhkəməsi “Telegram” messencerinin Rusiya Federasiyası ərazisində dayandırılması haqqında qərar qəbul edib.»ICTinfo.az» «vistanews.ru» resursuna istinadən bildirir ki,məhkəmənin qərarı qısa olub: «Təcili icra olunsun».Messencer öz şifrələrini Federal Təhlükəsizlik Xidmətinin (FSB) tələbi əsasında bu quruma verməyə razılaşana qədər qərar qüvvədə qalacaq.Federal Təhlükəsizlik Xidmətinin və Rusiyanın Rabitə, informasiya texnologiyaları və kütləvi kommunikasiyalar sahəsində nəzarət üzrə Federal Xidmətinin (“Roskomnadzor”) əməkdaşları bildirib ki,messencerin şifrləmə açarlarını idarələrə verməməsi onların terrorçularla əməkdaşlıq etməsi şübhəsini yaradır.“Telegram” qərardan apellyasiya vermək hüququna malikdir. Lakin şirkətin vəkilləri məhkəmə iclasına qatılmayıblar.
Qeyd edək ki, Rusiya Federal Təhlükəsizlik Xidməti istifadəçi yazışmalarına çıxış əldə etmək üçün “Telegram”dan müvafiq şifrələri istəyib. Lakin messencer bunu rədd edib.
