İnnovasiya və Rəqəmsal İnkişaf Agentliyinin həyata keçirdiyi Technest Təqaüd Proqramı Code Academy tədris mərkəzi ilə tərəfdaşlıq çərçivəsində Penitensiar Xidmətdə İKT üzrə tədrisə start verib. 9 dekabrda baş tutan ilk dərs günündə 16-18 yaşlı yeniyetmələr avadanlıqlarla təmin olunaraq IT əsasları və ilkin kompüter bilikləri üzrə təlimlərə cəlb edilib.
6 ay davam edəcək proqramın əsas məqsədi yeniyetmələrin rəqəmsal bilik və bacarıqlarının inkişaf etdirilməsi və onların əmək bazarında peşə qabiliyyətinin artırılmasını təmin etməkdir.
