Qatlana bilən displeylə təchiz edilmiş yenilik “CES 2022” sərgisində nümayiş etdirilib.
“TCL Flex V” “Samsung Galaxy Z Flip3”-ü xatırladır. GSMArena.com yazır ki, smartfonun tərəflərin nisbəti 21:9, əsas ekranın təsvir ölçüsü 2400 x 1080 pikseldir.Cihaz köhnə “Snapdragon 765G” prosessoru (2019) və 3545 mAh batareya ilə təchiz edilib.
Əsas kamerada 48 meqapiksel təsvir ölçülü əsas sensor 16 meqapiksellik sensorla tamamlanır. Onun yanında qurğu bağlandıqda bildirişləri göstərmək üçün kiçik ekran var. Ön kamera 44 meqapiksellik quraşdırılıb.
Məlumdur ki, yeni məhsul “Android 11”-də işləyir.Smartfonun parametrləri haqqında hələlik əlavə məlumat yoxdur.
“TCL Flex V” dünyanın ən ucuz əyilə bilən smartfonu olacağını vəd edir. Mənbənin sözlərinə görə, o, 600-700 dollara satılacaq.”TCL2 smartfonunun bazara çıxma vaxtı hələ məlum deyil.
