«Kia Motors» şirkəti sürücüsüz avtomobilin sərnişinlərinin əhval-ruhiyyəsinin tanınması və salonda vəziyyəti dəyişdirməyə icazə verən»R.E.A.D» sistemini təqdim etdi. Belə sistem, məsələn, salonda işıqlandırmanı və temperaturu avtomatik kökləyə bilər.
«ICTinfo.az» «nplus1.ru» resursuna istinadən bildirir ki,əksər hallarda sürücülər üzərində nəzarət üçün sifətin tanınması sistemi avtomobillərin salonlarında istifadə olunur: məsələn,ötən il Amerikanın «Affectiva» şirkəti bu məsələnin həlli üçün özünün emosiyaların tanınmasın texnologiyasından istifadə etdi. Belə sistemə pilotsuz avtomobillərdə ehtiyac yoxdur; bununla belə, daha rahat səfər üçün salonda sifətin tanınmasını istifadə etmək mümkündür.
«KIA»-nın tətbiq etdiyi yenilik ürək döyüntüsünü və dərinin elektrik fəallığını təhlil edən sensorlarla təchiz edilib. Yığılmış məlumatlar əsasında sistem sərnişinin əhval-ruhiyyəsini təhlil edir və salonda kondisiyalaşdırma, temperaturu, işıqlandırma və əyləncə sisteminə (musiqini və video) nəzarət edir.
«Kia»-nın bu və başqa yeni layihələri Las-Veqasda yanvarın 8-dən 11-dək keçəcək «CES 2019» texnologiya sərgisində təqdim ediləcək.
