Qazaxıstanda yerləşən “Baykonur” kosmodromundan Y.Qaqarin “Soyuz MS-18” kosmik gəmisi olan “Soyuz-2.1” daşıyıcı raketi kosmosa qalxıb.İlk kosmonavt Yuri Qaqarinin kosmosa uçuşunun 60-cı ildönümünə həsr olunan rəsmi simvollar raketin üzərinə əks edilib. “Baykonur”dan əlamətdar yubiley uçuşunu bütün dünyada canlı yayımda izləmək imkanı yaradılıb.“Soyuz MS-18” kosmik gəmisində “Roscosmos” kosmonavtları Oleq Novitski, Pyotr Dubrov və NASA astronavtı Mark Vande Hai kosmosa uçublar. Ekspedisiyanın uçuş müddəti 191 gün planlaşdırılıb. Ekspedisiya komandiri O.Novitsky oktyabr ayında Yerə qayıdacaq, iki ekipaj üzvü — Vande Hai və Dubrov daha uzun müddət orbitdə qalacaqlar. Uçuş proqramında təxminən 50 elmi təcrübə nəzərdə tutulur.
Kosmik daşıyıcı gəmi, kosmik təcrübələr və biotibbi tədqiqatlar üçün dəstlər, istehlak edilə bilən avadanlıq, gigiyena məhsulları və təzə məhsul çeşidi, habelə Yuri Qaqarinin kosmosa ilk uçuşunun 60-cı ildönümü üçün xatirə simvolik əşyalarını Beynəlxalq Kosmik Stansiyaya çatdırılacaq.
Xatırladaq ki, insanın kosmosa ilk uçuşundan 60 il ötür. 1961-ci ilin aprelin 12-də ilk dəfə olaraq Sovet İttifaqı vətəndaşı Y.Qaqarin kosmosa gedib.
