Böyük ölçülü smartfonlara marağın çox olmasına baxmayaraq incə,nisbətən kiçik ölçülü “Apple iPhone” modelləri hələ də istifadəçilər arasında populyardır. Müştəri rəylərinə əsaslanan yeni reytinq AnTuTu bençmarkı tərəfindən dərc edilib.
Nəticələrə əsasən ən sevimli 5,4 düymlük ekrana malik “iPhone 12” mini olub.Model əvvəlcə tənqid olunsa da, sahiblərin 96%-i tərəfindən müsbət qiymətləndirilib. Qurğu güclü A14 Bionic çipi, 12 MP kamera ilə təchiz olunub, korpusla qorunur və stereo səsi dəstəkləyir.
İkinci yerdə 95% müsbət rəylərlə 2020 “iPhone SE”-dir. 4,7 düymlük ekrana malik bu yığcam smartfon münasib qiymətə və yüksək performansa malikdir.
“iPhone 8” rahat 4,7 düymlük ekranı və davamlı korpusu ilə ilk üçlüyü tamamlayır. Onun reytinqi 93 faizdir.
Eyni zamanda, ay yarım əvvəl buraxılan yeni “iPhone 15” modelləri hələ də reytinqə düşməyib. Yəqin ki, istifadəçilərin bu qacetləri qiymətləndirməsi üçün vaxt lazımdır. Beləliklə, kompakt “Apple” smartfonlarının populyarlığı hələ də yüksəkdir.
