Sony yeni Xperia məhsulunun təqdimatını elan edib, onun şəkli ilə tizer yayımlayıb və tədbirin tarixini təsdiqləyib. Göründüyü kimi, şirkət yeni flaqman Xperia 1 VII smartfonunu təqdim edəcək.
Tizerdə xüsusi kamera düyməsi və brend seriyası üçün xarakterik olan ekranın «sinematik» tərəf nisbətinə malik smartfon nümayiş etdirilir. Reklam materiallarında cihazın modeli açıqlanmır, lakin şayiələrə görə söhbət qabaqcıl Xperia 1 VII-dən gedir. Əvvəllər bu qurğu Geekbench verilənlər bazasında qeyd edilib, bunun sayəsində onun xüsusiyyətləri qismən məlum olub: Qualcomm Snapdragon 8 Gen Elite prosessoru, 12 QB əməli yaddaş və Android 15 əsasında proqram təminatı.Amerika tənzimləyicisi FCC-nin məlumatına görə, smartfon korpusunun ölçüləri 162 x 74,5 x 8,5 mm, akkumulyatorun tutumu isə 5000 milliamper/saat təşkil edəcək. Sənaye insayderləri də öz növbəsində iddia edirlər ki, smartfon 6,5 düymlük displey və üçlü kamera (48+12+12 MP, o cümlədən EGF 70-200 mm-lik telefoto modul) alacaq.
Yeni Sony məhsulunun premyerası mayın 13-də baş tutacaq. Daha sərfəli Xperia 10 VII modelinin təqdimatı da gözlənilir.
