«Sony» və «Amazon» Çinin Uhan şəhərində başlayan korona virisu epidemiyasına görə,»Mobile World Congress 2020″ sərgisində iştirakdan imtina etdi.»ICTinfo.az» «DNİ24.com» resursuna istinadən bildiri ki,bundan əvvəl dünyada ən böyük mobil texnologiyaların sərgisində Barselonada olacaq «LG»,»ZTE»,»Nvidia» və «Ericsson» artıq müxtəlif tədbirləri ləğv etdi.“Sony” nümayəndələrinin sözlərinə görə, şirkət tərəfindən alıcı və müştərilərin təhlükəsizliyinə böyük əhəmiyyət verilməsi ilə əlaqədar tədbirdə iştirak etməməklə bağlı qərar qəbul edilib.Oxşar mövqedən “Sony” şirkətindən fərqli olaraq indiyədək sərginin aktiv iştirakçısı olmayan “Amazon” servisi də çıxış edib.
Sərginin təşkilatçısı qismində çıxış edən “GSM” Assosiasiyası bu yaxınlarda koronavirusun yayılmasının qarşısının alınması üçün həyata keçiriləcək növbəti tədbirləri açıqlayıb. Belə ki, epidemiyanın yayılmağa başladığı Çinin Hubey əyalətindən olan heç bir turistə sərgidə iştiraka icazə verilməyəcək.
Qeyd edək ki, “Mobile World Congress 2020” sərgisi fevralın 24-27-də İspaniyada keçiriləcək.
