Barselonada təşkil olunan “MWC 2018” sərgisi çərçivəsində “Sony” korporasiyası tərəfindən “Xperia XZ2” smartfonu təqdim edilib.»ICTinfo.az» «actualnews.org»-a istinadən bildirir ki,smartfon çərçivəsiz ekrana, 3D tökmə şüşədən hazırlanmış korpusa malikdir.“Sony Xperia XZ2” modeli “Full HD” (1920×1080 piksel) təsvir ölçülü və tərəflər nisbəti 18:9 olan 5,7 düymlük IPS ekran, 19 meqapiksellik əsas kamera, 5 meqapiksellik ön kamera ilə təchiz edilib. “Motion Eye” kamerası “4K HDR” formatında video, həmçinin “Super slow motion” rejimində “Full HD” formatında saniyədə 960 kadr çəkmək qabiliyyətinə malikdir.
Bundan başqa smartfon “Qualcomm Snapdragon 845” prosessoru, 4 QB-lıq əməli və 64 QB-lıq fləş yaddaşla (microSD kartı vasitəsilə yaddaşın tutumunu 400 QB-dək artırmaq mümkündür) təchiz edilib. Akkumulyator 3180 mAs tutuma malikdir.Akkumulyator batareyası sürətli və simsiz enerjidoldurma texnologiyasını (QI standartı) dəstəkləyir. Smartfon “Android 8.0 Oreo” əməliyyat sisteminin idarəetməsi altında işləyir.
2 SİM kart, “VoLTE” və “LTE Cat.18” texnologiyaları dəstəklənir, “Wi-Fi (802.11ac)”, “Bluetooth 5.0”, “GPS+QLONASS”, “NFC”, “USB 3.1 Type-C” portu var. Həmçinin stereodinamiklər var, lakin qulaqcıqlar üçün 3,5 mm-lik konnektor yoxdur, “IP65/68” səviyyəsində su və tozdan müdafiə mövcuddur. Smartfonun ölçüləri 153x72x11,1 mm, çəkisi 198 qram təşkil edir.
