Avropa Komissiyası internet servislər, xüsusilə “Skype” və “WhatsApp”a nəzarət tədbirlərini sərtləşdirməyi planlaşdırır.
“runews24.ru” saytının məlumatına görə, bu onunla izah edilir ki, gələcəkdə messencerlərin fəaliyyəti təhlükəsizliklə əlaqədar Avropa Komissiyasının reqlamentinə uyğun olmalıdır.
Hökumət bu sektorda fəaliyyət göstərən ABŞ şirkətlərinə qarşı nəzarəti gücləndirmək niyyətindədir. Söhbət “Facebook” və “Microsoft”dan gedir.
Avropa Komissiyasının planlarını gələn həftə elan edəcəyi gözlənilir. Dəyişikliklər hüquq-mühafizə orqanlarının məlumat sorğularının həyata keçirilməsi ilə bağlı olacaq. Avropa Komissiyası hesab edir ki, messencerlərin fəaliyyəti mobil rabitə operatorlarının fəaliyyəti kimi tənzimlənməlidir.
