Braziliyanın Blog do iPhone veb saytı keçən həftənin sonunda bildirdi ki, 2023-cü ildə təqdim ediləcək «iPhone 15 Pro» smartfonlarında ən azı bəzi ölkələrdə və bölgələrdə fiziki SİM kart yeri olmaya bilər.Bununla belə,MacRumors resursunun anonim mənbəyə istinadən verdiyi məlumata görə, “Apple” smartfonlarının dizaynında bu dəyişikliklər xeyli əvvəl həyata keçirilə bilər.
Resursun məlumatına görə,“Apple” ABŞ-ın əsas operatorlarına 2022-ci ilin sentyabrına qədər yalnız eSIM kartları olan smartfonların buraxılışına hazırlaşmağı tövsiyə edib. Mənbə resursa bu təşəbbüsün vaxtını müəyyən edən sənədin surətini təqdim edib, baxmayaraq ki, burada «Apple» və ya «iPhone»-un adı çəkilmir.
Təşəbbüsün bir hissəsi olaraq, bəzi Amerika telekommunikasiya operatorlarının 2022-ci ilin ikinci rübündə müqaviləli, lakin qutuda nano-SİM kart olmayan bəzi «iPhone 13″ modellərini təklif etməyə başlayacağı iddia edilir.»Apple» Mağazalarında və ya Apple.com-da satılan «iPhone 13» artıq nano «SİM kart olmadan mövcuddur. İstifadəçilər sadəcə olaraq iPhone-unu yandıraraq, Wi-Fi şəbəkəsinə qoşulmaqla və ekrandakı təlimatlara əməl etməklə eSIM kartı vasitəsilə mobil məlumat planını aktivləşdirə bilərlər.
Proqnozlaşdırılan 2022-ci ilin sentyabrını nəzərə alsaq,»Apple»-ın əvvəllər bildirildiyi kimi «iPhone 15» deyil, bəzi «iPhone 14» modellərində fiziki SİM kart yuvasından imtina etməsi tamamilə mümkündür.
Qeyd etmək lazımdır ki,eSIM texnologiyası bütün ölkələrdə mövcud deyil, lakin onun tətbiqi sürətlə genişlənir: 100-dən çox telekommunikasiya operatoru bütün dünyada eSIM dəstəyi ilə xidmətlər təklif edir və daha bir çox şirkət 2022-ci ildə eSIM dəstəyini əlavə etməyi planlaşdırır.
«IPhone 13» çoxsaylı eSIM profillərini dəstəkləyir, bu da istifadəçilərə rəqəmsal abunə olmağa və çoxsaylı mobil planlar arasında keçid etməyə imkan verir. Yuvanın boşaldılması da iPhone daxilində bir az yer boşaldacaq.
