«iPhone 8»-in çıxışına az qalmış yapon mütəxəssilər onu qabaqlayan smartonlarını təqdim etdilər.Söhbət «Sharp» şirkətinin «Aquos S2” smartfonundan gedir.Smartfon bu gün rəsmi şəkildə Pekində təqdim edildi.İkiqat kamera və çərçivəsiz ekranla yanaşı smartfonun ən böyük özəlliklərindən biri barmaq izi skanerinin birbaşa ekrana quraşdırılmasıdır.
«Ictinfo.az» «4pda.ru»-ya istinadən bildirir ki,qurğu “Snapdragon 630” prosessoru, 4 QB əməli yaddaş və 64 QB daxili yaddaşa malikdir. Bundan başqa, “microSD” kartından istifadə imkanı mövcuddur. Həmçinin “Snapdragon 660” prosessoru, 6 QB əməli yaddaş və 128 QB fləş yaddaşa malik versiyası da yaxın gələcəkdə satışa çıxarılacaq. Smartfon təsvir ölçüsü 2040×1080,çərçivəsiz 5,5-düym IPS-ekranla,»Android 7.0 Nougat» əməliyyat sistemi ,12 və 8 Mp modullu ikiqat kamera , 8-meqapiksel ön kamera ilə təchiz edilib.Akkumulyator batareyasının tutumu 2930 mAs təşkil edir
Yeniliyin ölçüləri 141,8 x 72,04 x 7,9 millimetr, çəkisi 140 qram təşkil edir.Qara, ağ, göy və yaşıl rəngdə əlçatan olacaq. 14 avqustdan satışa çıxacağı bildirilən smartfonun qiyməti məlum deyil.
