MDB ölkələrində informasiya təhlükəsizliyi vasitələrinin əsas istehsalçısı olan “Searchİnform” şirkəti “Searchİnform” informasiya təhlükəsizliyi konturu” DLP-sisteminin funksionallığına “Telegram” messencerində trafikin təhlili alətini əlavə etmişdir. Bu həll ilk növbədə məxfi məlumatların sızmasının qarşısını almaq üçün nəzərdə tutulmuşdur.
«Searchİnfo»nun araşdırmalarına görə, şirkətlərin 40 faizi insayderlərin icazəsiz müdaxiləsinin və bilərəkdən, yaxud bilməyərəkdən məxfi məlumatların sızmasının qarşısını almaq üçün əməkdaşların messencerlərə çıxışını blok etmişdir.
Bu problemi həll etmək üçün “Searchİnfo” informasiya təhlükəsizliyi konturu” DLP-sistemində məşhur IM-klient və messencerlərə — Viber, Facebook, Google+, LinkedIn, ICQ, AIM, Jabber, MSN, Mail.ru Агент və digərləri, o cümlədən Telegram messencerinə nəzarət imkanı işləyib hazırlamışdır. Yeni modul “Telegram Desktop” vasitəsilə göndərilmiş yazışmaların, səsli ismarışların və faylların təhlükəsizlik siyasətinə cavab verib-vermədiyini yoxlayır.
“Telegram” – yaradıldığı vaxtdan cəmi 2 il müddət keçməsinə baxmayaraq, 100 milyonluq istifadəçi həddini keçmiş sürətlə inkişaf edən messencerdir. Azərbaycanda da o ən məşhur messencer olan “WhatsApp”a ciddi rəqabət yaradır. Günü-gündən daha çox istifadəçi “Telegram”da təkcə şəxsi deyil, həm də, işgüzar yazışmalar aparır”, – deyə “ULTRA Technologies” şirkətinin Proqram həllərinin satışı bölməsinin rəhbəri Ruslan Romanenko bildirmişdir. Onun sözlərinə görə, “ “Searchİnform” DLP-həllinin tətbiqi ənənəvi şəkildə xəbər və məlumatlar əldə etmək, həmçinin, ünsiyyət saxlamaq imkanını təmin edir. Bu eyni zamanda korporativ məlumatların qorunmasını, real zaman rejimində trafikin təhlil edilməsini, o cümlədən, antiterror təhlükəsizlik siyasəti üzrə yoxlanmasını təmin edir və təhlükələr barədə xəbərdarlıq edir”.
“Bizim üçün əsas məsələ müştərilərimiz üçün məxfi məlumatların qorunmasını təmin etmək və eyni zamanda, müəyyən edilmiş əlaqə proseslərini pozmamaqdır. Biz, Azərbaycan şirkətlərinə belə bir imkan təqdim etdiyimizə çox şadıq”, — “Searchİnform” şirkətinin Kommersiya Direktoru Yevgeniy Matyuşenko vurğulamışdır. “Fikrimcə, onlar bizim DLP-sisteminin digər yeni funksiyalarını də qiymətləndirəcəklər. Buna misal olaraq, kompüterin daxili, yaxud qoşulma veb-kamerası qarşısında baş verənlərin foto və videoçəkilişi üçün nəzərdə tutulmuş aləti də göstərmək olar. Bütün yenilikləri biz payızda Bakıda keçiriləcək Təhlükəsizlik məsələlərinə həsr olunmuş konfransımızda təqdim etməyi planlaşdırırıq”, — deyə o bildirmişdir.
Qeyd edək ki, “Searchİnform” şirkəti Azərbaycan bazarına 2016-cı ilin payızında daxil olmuşdur. 2017-ci ilin payızında şirkət hər il keçirilən və informasiya təhlükəsizliyinin aktual problemlərinə həsr olunmuş pulsuz praktiki «Road Show SearchInform» konfranslarının keçirildiyi ünvanlar sırasına Bakını da əlavə etməyi planlaşdırır.
“Searchİnfo” şirkəti haqqında
“Searchİnfo” ASC MDB ölkələri bazarında DLP-həllərinin işlənib hazırlanması üzrə qabaqcıl 3 şirkətdən biridir. “Searchİnfo” informasiya təhlükəsizliyi konturu” dünya səviyyəli DLP-sistemləri siyahısına –“Gartner Magic Quadrant for Enterprise Data Loss Prevention”a daxil edilmişdir. Şirkət 2015-ci ildə yeni “Timeİnformer” iş vaxtının uçotu sistemini, 2016-cı ildə isə, şəxsi SIEM-sistemini istifadəyə vermişdir. “Searchİnform” həlli artıq 12 ölkədən olan 1700 şirkət tərəfindən tətbiq edilməkdədir.
Sayt: searchinform.com
