“WhatsApp” messencerinin saxtası yaradıldı.”Google” şirkətinin buna reaksiya verənə qədər bir milyondan çox “Android” istifadəçisi “Google Play”-dan saxta “WhatsApp” messencerini yükləyib.
“Ictinfo.az” “4pda.ru” saytına istinadən bildirir ki,”WhatsApp” loqotipinə malik proqram “Update WhatsApp Messenger” adlanır.Çoxları bunu xidmətin növbəti yenilənməsi hesab edib.Və onu orjinala çox oxşar olması istifadəçiləri çaşdıra bilib və bu səbəbdən ondan heç kəs şübhələnməyib.
Bunun üçün dələduzlar “Unicode”-da “ağ boşluqdan” istifadə etdilər.Saxta proqram yalnız başqa proqramların və xidmətlərin reklam elanlarını göstərib. Görünür ki,saxta yola əl atanlar bununla asanlıqla pul qazanmaq istəyiblər. Yalnız proqram təminatı bir milyondan çox istifadəçi tərəfindən yükləndikdən və “Reddit” saytında onun saxta olması ilə bağlı çoxlu məlumat dərc edildikdən sonra “Google” şirkəti proqramı “Google Play” mağazasından silərək tərtibatçını bloklayıb.
Təhlükəsizlik üzrə mütəxəssislər bildirirlər ki,belə oxşarlar daim olur. “Google Play”-da daima “Facebook”-un və başqa populyar proqramların saxta versiyaları meydana çıxır.Bir dəfə “Facebook”-un yaradılan belə saxtası isə 10 milyon dəfədən çox yüklənib.
Xatırladaq ki, “WhatsApp” dünyanın ən populyar messencerlərindən biridir. 2009-cu ildə Kaliforniyada proqramçılar Yan Kum və Brayan Ekton tərəfindən yaradılan servis 2014-cü ilin fevralında 19 milyard dollara “Facebook” sosial şəbəkəsinə satılıb.
