«Samsung» şirkəti süni intellekt imkanları ilə təchiz edilmiş smartfon üzərində işlədiyini açıqladı. Yeni məhsul Galaxy ailəsinin bir hissəsi olacaq və gələn il təqdim olunacaq.
Samsung nümayəndələrinin fikrincə, süni intellekt qadcet sahiblərinə tamamilə yeni istifadəçi təcrübəsi bəxş edəcək. Sözügedən texnologiya cihaza hətta internet bağlantısı olmadan da süni intellekt ssenariləri ilə işləməyə imkan verəcək. ChatGPT kimi generativ süni intellekt sadə əmrlərdən istifadə edərək müxtəlif xidmətlərə çıxış təmin edə biləcək.
Həmçinin qeyd edilir ki, Samsung öz generativ süni intellekt versiyası üzərində işləyir. Qarşıdan gələn flaqman Galaxy S24-ün, eləcə də Galaxy Z xəttinin yeni qatlanan smartfonunun qutudan kənarda yeni imkanlarla təchiz olunacağı ehtimalı var.Şirkət hələ ki, özəl AI-nin təfərrüatları və fəaliyyətini açıqlamayıb.
