Yeni patent sifarişindən məlum oldu ki,»Samsung» «Apple»-ın «AirPower» simsiz yükləmə qurğusuna qarşı mükəmməl rəqib hazırlayır.Yeniliyin ondan əsas fərqi eyni zamanda bir neçə qurğuya enerji yükləmək bacarığının olmasıdır.
«Ictinfo.az» «androidinsider.ru»-ya istinadən bildirir ki,qurğu «Apple»-ın «iPhone 8» və «iPhone X»-la birgə təqdim etdiyi «AirPower»-ə çox oxşardır. O, eyni zamanda üç qurğu yükləyə bilər. «AirPower»-in satışına 2018-ci ilin əvvəlində başlanacaq.
Ehtimal ki, «Samsung»-un yeni simsiz yükləmə qurğusu 2018-ci ildə «Galaxy S9» və «Galaxy S9+»-la birlikdə təqdim ediləcək. Ancaq məlumatı dərc edən «9to5Google» bildirir ki, yükləmə qurğusu «AirPower»-dən tez satışa çıxacaq.
