«Samsung Electronics» şirkəti “Galaxy Upcycling–köhnə smartfon üçün yeni həyat” adlı təcrübə yönümlü kursun yeni video bölməsin təqdim edib.Bir sıra təlim videoları istifadəçilərə istifadə olunmayan smartfondan necə faydalı cihaz hazırlamağı izah edəcək.
Upcycling konsepsiyası köhnə qurğuları yenidən istifadə etməyə və dairəvi iqtisadiyyat modeli əsasında şüurlu istehlak ideyasını populyarlaşdırmağa yönəlib. Bu mövzuda yeni videolar tezliklə Samsung IT School YouTube kanalında görünməyə başlayacaq.
Yenilənmiş Galaxy Upcycling seriyasının ilk mühazirəsi smartfondan və əlindəki sadə alətlərdən həvəskar spektrometrin (işığın dalğa uzunluğunu ölçmək üçün cihaz) yaradılmasına həsr olunacaq. Videomaterialda müxtəlif işıq mənbələri (enerji qənaət edən, LED və közərmə lampaları, günəş işığı və smartfon ekranı) ilə bir neçə təcrübə nümayiş etdiriləcək. Bundan əlavə, materiallar toplusuna smartfonun kompüterə əlavə interfeys kimi, eləcə də fiziki eksperimentlər zamanı istifadəsinə həsr olunacaq bir neçə videoçarx daxil ediləcək.
Kurs Rusiyanın «Samsung» Araşdırma Mərkəzinin (Samsung Research Russia) mütəxəssisləri tərəfindən hazırlanmışdır. “Galaxy Upcycling – köhnə smartfon üçün yeni həyat” kursunun giriş hissəsində smartfondan istifadənin mövcud imkanlarından bəhs edilir.O, köhnə «Android» qurğunun yeni cihaza çevirməyin müxtəlif yollarına həsr olunmuş dərslərə əsaslanır: mini proyektor, saat, SmartThings dəstəyi ilə ağıllı çələng və s.
Kurs proqramını mənimsəmək üçün xüsusi biliyə ehtiyac yoxdur: material əlçatan bir dildə təqdim olunur və tapşırıqları və nümunələri öz mobil cihazlarınızda təkrarlamaq asandır. Proqramın saytına təlim üçün müraciət edə bilərsiniz.
