«Samsung» şirkəti forması yadplanetlilər haqqında filmlərdən uçan boşqabı xatırladan pilotsuz qurğuya patenti aldı.»İctinfo.az» «hi-tech.mail.ru»-ya istinadən verdiyi məlumata görə,sənədi onlara Koreyanın intellektual mülkiyyəti üzrə büro verib. Cənubi Koreya nəhənginin yeni hazırlaması – kamerayla təchiz edilmiş pilotsuz təyyarədir. Patentin alınmasına sifarişi şirkət apreldə versə də sənəd yalnız dekabrda verilib.
Faktiki olaraq pilotsuz aparatı xatırladan bu qurğunun iş mexanizmi çox sadədir. Diskşəkilli konstruksiyanın daxilində uçuş əmrinə tabe olan rotorlu mühərrik yerləşdirilib. Təhlükəsizlik üçün onlar yuxarıdan və aşağıdan barmaqlıqla bağlanmışdır. Bundan başqa, boşqab dibdən bərkidilmiş iki ayağa malikdir.
Pilotsuz təyyarənin korpusu metaldan və sintetik qatrandan hazırlanacaq. Xüsusi çıxıntıda kameranı (mümkün, 360-dərəcə Gear 360) yerləşdirəcəklər. Əlbəttə, istehsal prosesində patentdən o qədər də fəqlənməyən kiçik dəyişiliklər edilə bilər.
