“Apple” bu il “özünüz düzəldin” proqramını təqdim edən yeganə texnologiya nəhəngi deyil. “Samsung” və “iFixit” ABŞ-dakı “Galax” istifadəçiləri üçün oxşar proqramı işə salmağa hazırlaşır.Bu proqram çərçivəsində “Galaxy” smartfon və planşet kompüterlərinin sahibləri zərurət yaranarsa, rəsmi təlimatlardan istifadə etməklə öz cihazları üçün ehtiyat hissələri ala və dəyişdirə biləcəklər. Mövcud məlumatlara görə, ilkin olaraq şarj portları, şüşə arxalar və displeylər satışa çıxarılacaq.
Mənbənin məlumatına görə, proqramın başlanğıcında istehsalçı “Galaxy S20” və “Galaxy S21” smartfonları, həmçinin “Galaxy Tab S7+” planşetləri üçün ehtiyat hissələri tədarük edəcək. Eyni zamanda, “Galaxy S22 Ultra” qabaqcıl cihazlarının sahibləri belə bir ehtiyac yaranarsa, öz cihazlarını təmir edə bilməyəcəklər. Daha sonra Cənubi Koreya şirkəti daha çox modeli əhatə etmək üçün özünütəmir proqramını genişləndirmək niyyətindədir. Bundan əlavə, istifadəçilər qüsurlu hissələri təkrar emal üçün “Samsung”-a göndərə biləcəklər.
Cənubi Koreya şirkəti nasaz qadcetlərin işini bərpa etmək üçün “rahat” və ekoloji cəhətdən təmiz üsul kimi cihazların özünü təmir etmə imkanını görür. Ehtimal olunur ki, istifadəçilər öz cihazlarını təmir etməklə daha az elektron tullantı əmələ gətirəcəklər. Bundan əlavə, “Samsung”-un yeni proqramı təmir hüququ olan tərəfdarlar tərəfindən yaxşı qarşılanacağına əmindir.
