“Samsung” “W20 5G” adlı ikinci qatlanan smartfonunu təqdim edib. Qurğu “Galaxy Fold” kimi eyni form-faktorunda hazırlansa da ondan həm xarici, həm də texniki fərqlərə malikdir.
“ICTinfo.az” “ferra.RU” saytına istinadən yazır ki, yeni “W20 5G” telefonu xaricdən 680×720 piksel təsvir ölçülü 4,6 düymlük, daxildə isə 2152×1536 piksel təsvir ölçülü və “HDR10 ” texnologiyasını dəstəkləyən böyükölçülü 7,3 düymlük ekranla təchiz edilib.
Smartfon «5G» şəbəkələri dəstəkləyən 8 nüvəli “Snapdragon 855 Plus” prosessoru, 12 QB əməli yaddaş, 512 QB daşıyıcı, 4235 milliamper/saat tutumlu akkumulyator batareyası ilə təchiz edilib. Əsas kamera üç moduldan ibarətdir: 12 meqapiksellik adi genişbucaqlı, 12 mp-lik telefoto və 16 mp-lik ultra genişbucaqlı.
