Son zamanlar «Samsung» faydalı mobil proqramların hazırlamasına fəallıq göstərir. Aprelin əvvəlində şirkətin Holland bölməsi yollarda qəzaların sayının azalması üçün «In-Traffic Reply» proqramın,iki həftə sonra isə şirkətin İtaliya bölməsi dil qüsurlu insanlar üçün «Wemogee» proqramını təqdim etdi.
Bu günlərdə «Samsung» valideynlərin smartfonlarından öz uşaqlarının izləməyə imkan verən «Marshmallow» adlı daha bir səmərəli proqramı istifadəyə verdi.
«Ictinfo.az» «4pda.ru»-ya istinadən bildirir ki,»Marshmallow» proqramı uşaqlara öz vaxtlarını daha məhsuldar və səmərəli istifadə etməyi öyrətməlidir. Valideynlər müxtəlif nəzrət mexanizmləri qursalar da, onlara seçim etməyə icazə versələr də məsuliyyətin çox hissəsi yenə də uşaqların özlərinə düşür. Valideynlər yenə də müəyyən proqramlara girişin qarşısını ala və yuxunun vaxtını təyin edə, həmçinin onun smartfondan necə istifadə etməsi haqqında gündəlik və həftəlik hesabatlarını ala bilərlər.Ən əsası isə smartfondan düzgün istifadəyə görə uşaqlar xüsusi ballar toplayırlar. Və bu balları xüsusi hədiyyələrə dəyişə bilərlər.
