«Samsung» şirkəti «Pressure Sensor» texnologiyasını patentlədi.»ICTinfo.az» «life.ru» resursuna istinadən bildirir ki,bu texnologiya ilə smartfon ayrı-ayrı barmaqların toxunmasına reaksiya verəcək və basmanın gücündən asılı olaraq ekranda müvəqqəti batıqlar meydana çıxacaq.
Bu smartfon əyilən «AMOLED» ekranla təchiz ediləcək. Bildirilir ki, «Pressure Sensor» texnologiyasıyla qurğu barmağın basılmasının gücündən asılı olaraq müxtəlif komandaları yerinə yetirəcək. Fikir var ki, bu texnologiya ilə «Galaxy X»-ın bükülən smartfonu təchiz ediləcək. Şirkətin belə bir qurğunu bu il təqdim edəcəyi ehtimal olunur.
«Samsung Display» həmçinin smartfonlar üçün elastik ekranlar hazırlayır. Xatırladaq, yalnız iki şirkət əyilən ekranları istehsal edir: «Samsung Display» və «LG Display».
